Uongozi wa Yanga umesema kwamba timu hiyo ina matumaini makubwa ya kushinda mechi zote zilizosalia licha ya kuwa na changamoto wa majeruhi wa muda mrefu. Ofisa Habari wa Yanga, Dismas Ten amesema changamoto kubwa ambayo imekuwa ikiikabili timu hiyo ni kuwa na majeruhi wa muda mrefu ambao ni tegemeo kwa kikosi chao. Timu hiyo imesafiri leo Jumatano kwenda mkoani Mbeya kwa ajili ya mchezo wake wa Ligi Kuu dhidi ya Prisons ikiwa ni siku moja tangu timu hiyo irejee kutoka Algeria. Ten alisema licha ya ratiba kubana lakini imewalazimu kukubaliana na hali ilivyo kutokana na viporo vilivyopo mbele yao. Baada ya Mchezo wa Mbeya, Kikosi cha Jangwani kitasafiri hadi Morogoro kwa ajili ya kuivaa Mtibwa Sugar kwenye Uwanja wa Manungu. Yanga inakwenda kwenye mchezo huo wa kesho huku Simba ikisubiri kuchanga karata yake Jumamosi dhidi ya Singida United.
Hakuna maoni:
Chapisha Maoni